Fransiya — Iroq: o‘yin nomaʼlum muddatga qoldirilgani stadionda eʼlon qilindi
Ob-havo sabab o‘yin davom ettirilmayapti.
ФОТО: Getty images
Fransiya va Iroq terma jamoalari o‘rtasida jahon chempionatining I guruhi 2-turi doirasidagi uchrashuv bo‘lib o‘tmoqda.
Uchrashuv Filadelfiyadagi (AQSH) «Lincoln Financial Field» stadionida o‘tkazilmoqda. Ayni paytda hisob – 1:0, fransuzlar foydasiga.
Avvalroq ikkinchi bo‘limning boshlanishi avvaliga 15 daqiqaga, keyin esa bir soatga qoldirilgani haqida xabar berilgandi.
Eslatib o‘tamiz, birinchi bo‘lim oxiriga kelib kuchli yomg‘ir yog‘a boshlagan edi. Uchrashuv tanaffusida momaqaldiroq xavfi eʼlon qilindi, shu sababli shtat qoidalariga muvofiq o‘yinchilarning maydonga qaytishi qoldirildi.
Birinchi bo‘limda yagona golni fransiyalik hujumchi Kylian Mbappe kiritdi.
