Флорентино Перес «Реал»ни 2029 йилгача тарк этмайди — манба
Мадриднинг «Реал» клуби президенти Флорентино Перес жамоани яқин йилларда тарк этмайди. COPE нашрининг хабар беришича, функционер камида 2029 йилгача — ўз ваколатлари муддати якунгача — клубда қолади.
Манбага кўра, Перес «қаймоқранглилар»ни бир неча йирик лойиҳаларни тугатмасдан тарк этишни истамаяпти. Улардан энг муҳимларидан бири — «Сантьяго Бернабеу» стадионининг тўлиқ реконструкцияси.
Аввалроқ оммавий ахборот воситаларда Перес келаси йили ўз лавозимини топшириши мумкинлиги ҳақида хабарлар тарқалган эди.
Эслатиб ўтамиз, Флорентино Перес «Қироллик клуби»га илк бор 2000 йилда президент сифатида келган ва 2006 йилгача фаолият юритган. 2009 йилда эса у яна клуб бошқарувига қайтган.
Маълумот учун, Перес раҳбарлигида «Реал» жами 37 та совринни қўлга киритди, жумладан, етти марта Европа Чемпионлар Лигаси ғолиби бўлди.
