Флик Месси билан бир жамоада ишлаш ҳақида гапирди: «Нега энди йўқ?»
Аргентикалик юлдуз ҳозирда MLSда тўп сурмоқда.
ФОТО: Getty Images
«Барселона» бош мураббийи Ханс-Дитер Флик Лионел Месси билан ишлаш истаги бор-йўқлиги ҳақидаги саволга жавоб берди. Ҳозирда 38 ёшли аргентиналик ҳужумчи MLSнинг «Интер Майами» жамоасида тўп сурмоқда.
— Мессининг «Камп Ноу»га қайтгани тасвирланган сурат сизда қандай туйғу уйғотади? Уни машқ қилдиришни хоҳлармидингиз?
— Нега йўқ? У сўнгги 10 йилдан ортиқ вақт давомида энг яхши футболчи бўлиб келди. Унинг ўйинини ҳар доим қадрлаганман. Лекин унда 2028 йилгача шартнома бор, менда эса 2027 йилгача... Бу савол менга эмас, деб ўйлайман, — дея Фликнинг сўзларини келтиради AS.
Маълумот учун, Месси «Барселона» тизимида 2000–2021 йиллар давомида фаолият юритган ва клуб сафида етти марта «Олтин тўп»ни қўлга киритган.
Насрулло Каримов
Журналист
