Фернандешнинг қачон майдонга қайтиши маълум бўлди
«Манчестер Юнайтед» клуби яримҳимоячиси ва жамоа сардори Бруну Фернандеш 17 январь куни бўлиб ўтадиган Англия чемпионатининг 22-тури доирасидаги «Манчестер Сити»га қарши учрашувга қадар жароҳатдан тўлиқ тикланишига умид қилмоқда. Бу ҳақда The Times нашри хабар берди.
Манбага кўра, португалиялик хавбек тахминан бешта ўйинни ўтказиб юборади. Улардан тўрттаси Англия Премьер-лигаси, биттаси эса Англия Кубоги доирасидаги учрашувдир.
Қайд этилишича, Бруну Фернандеш Англия чемпионатининг 17-тури доирасида «Астон Вилла»га қарши ўйинда (2:1) юмшоқ тўқималаридан жароҳат олган ва танаввусда алмаштирилган. Шунингдек, футболчининг жароҳати дастлаб тахмин қилинганчалик жиддий эмаслиги таъкидланмоқда.
Маълумот учун, Бруну Фернандеш «Манчестер Юнайтед» сафида 2020 йил қишида тўлиқ қўшилган.
