Фермин Лопес: «Қандай ўйнашимиз кераклигини биламиз ва тез орада ўз даражамизга қайтамиз»
Каталониянинг «Барселона» клуби ҳужумчиси Фермин Лопес Чемпионлар лигаси гуруҳ босқичи 3-туридан ўрин олган «Олимпиакос»га қарши баҳс олдидан ўз фикрларини билдириб ўтди.
«Бу жуда оғир ўйин бўлади — ахир бу Чемпионлар лигаси. Биз сўнгги учрашувда ютқаздик («ПСЖ»га қарши), энди эса ғалаба қозонишимиз керак. Олдинда икки муҳим ўйин бор — бу ҳафта биз учун жуда муҳим. Мен жамоамга қўлимдан келганча ёрдам бераман», — деди Лопес.
Ёш футболчи жамоанинг ҳозирги ҳолатини ҳам ижобий баҳолади.
«Бу — жараён. Балки ҳозирча исталган ўйин ритмида эмасмиз, лекин вақт етарли. Биз бир жамоамиз ва ўсишга интилмоқдамиз. Қандай ўйнашимиз кераклигини биламиз ва ишонамизки, тез орада ўз даражамизга қайтамиз», — дея қўшимча қилади футболчи.
Эслатиб ўтамиз, «Барселона» ва «Олимпиакос» ўртасидаги учрашув 21 октябрь, сешанба куни Тошкент вақти билан соат 21:45 да старт олади.
