Fermin Lopes: «Qanday o‘ynashimiz kerakligini bilamiz va tez orada oʻz darajamizga qaytamiz»
Kataloniyaning «Barselona» klubi hujumchisi Fermin Lopes Chempionlar ligasi guruh bosqichi 3-turidan oʻrin olgan «Olimpiakos»ga qarshi bahs oldidan oʻz fikrlarini bildirib oʻtdi.
«Bu juda ogʻir oʻyin boʻladi — bu axir Chempionlar ligasi. Biz soʻnggi uchrashuvda yutqazdik («PSJ»ga qarshi), endi esa gʻalaba qozonishimiz kerak. Oldinda ikki muhim oʻyin bor — bu hafta biz uchun juda muhim. Men jamoamga qoʻlimdan kelgancha yordam beraman», — dedi Lopes.
Yosh futbolchi jamoaning hozirgi holatini ham ijobiy baholadi.
«Bu — jarayon. Balki hozircha istalgan oʻyin ritmida emasdirmiz, lekin vaqt yetarli. Biz bir jamoamiz va o‘sishga intilmoqdamiz. Qanday o'ynashimiz kerakligini bilamiz va ishonamizki, tez orada oʻz darajamizga qaytamiz», — deya qoʻshimcha qiladi futbolchi.
Eslatib oʻtamiz, «Barselona» va «Olimpiakos»ga oʻrtasidagi uchrashuv 21 oktyabr, seshanba kuni Toshkent vaqti bilan soat 21:45 da start oladi.
