\"Фенербахче\" ва \"Ювентус\" Довбикни сотиб олмоқчи
Футболчининг трансфер баҳоси 30 миллион еврони ташкил қилмоқда.
Фото: Getty Images
"Рома" ҳужумчиси Артём Довбик трансфер ойнаси вақтида жамоасини ўзгартириши мумкин.
Football Italia хабарига кўра, "Ювентус" ва "Фенербахче" клублари украиналик ҳужумчига жиддий қизиқиш билдирган. "Рома" ҳам Довбик билан хайрлашишга тайёр.
Футболчининг трансфер баҳоси 30 миллион еврони ташкил қилмоқда.
Бироқ футболчининг юқори маоши ушбу трансферни амалга ошишига тўсиқ бўлиши мумкин. Довбик янги жамоасида ҳам йилига 5,5 млн евро маош олишни истамоқда.
Ўтган мавсумда Артём "Рома" сафида барча турнирларда 45та ўйинда 17та гол урган ва 4 ассистни ўз ҳисобига ёздириб қўйган.
