«Фенербахче» Тедескога ултиматум қўйди
Германиялик мутахассис сентябрь ойида жамоани қабул қилиб олганди.
ФОТО: Getty images
"Фенербахче" Доменико Тедескони истеъфога чиқариши мумкин. Бу ҳақда Fanatik хабар тарқатмоқда.
Манбага кўра, германиялик мутахассис сентябрь ойида Жозе Моуриньонинг ўрнига жамоани қабул қилиб олганди.
Аммо Тедеско қўл остида “канарейкалар” тўртта ўйинда атиги бир марта ғалаба қозонди. Натижада клубнинг янги раҳбарияти мураббийга ултиматум қўйди – учта ўйинда натижалар ўнгланмаса, у истеъфога чиқади.
Қайд этилишича, агар Доменико Тедеско учала ўйинда ҳам ғалаба қозона олмаса, октябрь ойидаги терма жамоалар ўртасидаги танаффусда жамоа бош мураббийлигидан кетади.
Розикжон Султонмуродов
Журналист