Файзуллаев — “Истанбул Башакшеҳир”нинг энг қиммат футболчиси
Туркия клубининг умумий қиймати 63 млн евро бўлса, унинг етакчилари — икки ўзбекистонлик: Файзуллаев ва Шомуродов
Расм: Gazeta.uz
Туркиянинг «Истанбул Башакшеҳир» клуби расман ўзбекистонлик футболчи Аббосбек Файзуллаевнинг трансфери ҳақида эълон берди. У Москва «ЦСКА» клубидан 7,5 миллион евро + 2,5 миллион евро бонус эвазига олинди.
Transfermarkt портали маълумотига кўра, «Истанбул Башакшеҳир» жамоасининг умумий трансфер қиймати 63 миллион еврони ташкил этади. Энг қиммат футболчи — Файзуллаев, унинг нархи 8 миллион еврога баҳоланган.
Шунингдек, жамоадаги иккинчи энг қиммат футболчи ҳам юртдошимиз — Элдор Шомуродов. Унинг бозор қиймати 5 миллион еврони ташкил этади. Элдор ҳам яқинда жамоага қўшилган эди.
Эслатиб ўтамиз, «ЦСКА» капитани ва Россия футболи афсонаси Игор Акинфеев ҳам Аббосбек билан самимий хайрлашди.
Бакрадзе Иман
Редактор