Фабрегас А Серияда ойнинг энг яхши мураббийи деб топилди
У апрель ойида ҳам энг яхши деб топилган эди
Фото: Getty Images
“Комо” бош мураббийи Сеск Фабрегас А Серияда ойнинг энг яхши мураббийи деб топилди.
Испаниялик мутахассис спорт газеталари директорлари овоз беришда ғалаба қозониб, май ойи учун мукофотни олди. У апрель ойида ҳам энг яхши деб топилганди.
Май ойида "Комо" учта ўйин ўтказиб, иккитасида ғалаба қозонган ва битта дуранг қайд этган. Клуб 37-турдан кейин 49 очко билан турнир жадвалида 10-ўринда бормоқда.
