Эрлинг Холанд \"Ман. Сити\"ни оғир кунида ташлаб кетмоқчи
Футбол
Насрулло Каримов
Журналист
ФОТО: Getty Images
“Манчестер Сити”нинг норвегиялик ҳужумчиси Эрлинг Холанд мавсум охирида жамоасини тарк этиши мумкин. Бу ҳақда El Nacional хабар бермоқда.
Манбага кўра, 24 ёшли форвард қониқарсиз натижалар сабаб инглиз клубидан кўнгли тўлмаяпти, шу сабабли у клубини ўзгартириш ҳақида ўйламоқда.
Қайд этилишича, ПСЖ ва “Бавария” Холанднинг атрофидаги вазиятни кузатиб бормоқда.
Эслатиб ўтамиз, норвегиялик ҳужумчи Англия Кубоги чорак финалида “Борнмут”га қарши ўйинда жароҳат олганди. У жорий мавсум “шаҳарликлар” сафида 40 та ўйинда майдонга тушиб, 30 та гол урди ва 4 та голли узатмани амалга оширди.
