Энцо Фернандес «Реал» билан беш йиллик шартнома имзолашга тайёр — El Debate
Футболчининг клуб билан амалдаги меҳнат шартномаси 2032 йилнинг ёзига қадар мўлжалланган.
ФОТО: Getty images
«Челси» ярим ҳимоячиси Энцо Фернандес унга қизиқиш билдираётган Мадриднинг «Реал» клуби билан беш йиллик шартнома тузишга тайёр. Бу ҳақда El Debate хабар бермоқда.
Манбага кўра, аргентиналик футболчи «Қироллик клуби»га ўтишни истайди, бироқ «Челси» томонидан белгиланган футболчининг 138 млн евролик нархи бунга тўсиқ бўлмоқда.
Ўтган мавсумда ярим ҳимоячи барча турнирларда 54 та ўйинда иштирок этиб, 15 та гол ва 7 та голли узатмага муаллифлик қилди. Футболчининг клуб билан амалдаги меҳнат шартномаси 2032 йилнинг ёзига қадар мўлжалланган.
Transfermarkt порталида тақдим этилган маълумотларга кўра, футболчининг бозор қиймати 90 млн еврони ташкил этади.
