Enso Fernandes «Real» bilan besh yillik shartnoma imzolashga tayyor — El Debate

«Chelsi» yarim himoyachisi Enso Fernandes unga qiziqish bildirayotgan Madridning «Real» klubi bilan besh yillik shartnoma tuzishga tayyor. Bu haqda El Debate xabar bermoqda.

Manbaga ko‘ra, argentinalik futbolchi «Qirollik klubi»ga o‘tishni istaydi, biroq «Chelsi» tomonidan belgilangani futbolchining 138 mln yevrolik narxi bunga to‘siq bo‘lmoqda.

O‘tgan mavsumda yarim himoyachi barcha turnirlarda 54 ta o‘yinda ishtirok etib, 15 ta gol va 7 ta golli uzatma muallifligiga erishgan. Futbolchining klub bilan amaldagi mehnat shartnomasi 2032 yilning yozigacha mo‘ljallangan.

Transfermarkt portalida taqdim etilgan ma’lumotlarga ko‘ra, futbolchining bozor qiymati 90 mln yevroni tashkil etadi.

Roziqjon Sultonmurodov

Jurnalist

0 0 0 0 0 0