Элдор Шомуродов янги жамоадошлари учун “Хаёлим сенда” қўшиғини ижро этди
Ўзбекистон термаси тўпурари Туркияда маданиятимизни тарғиб этишда давом этмоқда
Расм: Championat Asia
Машҳур ўзбек футболчиси Элдор Шомуродов янги жамоаси — “Истанбул Башакшехир”да нафақат ўйини, балки ижодий чиқиши билан ҳам эътибор марказида бўлди. Яқинда у жамоадошлари олдида ўзбек эстрадасидаги машҳур қўшиқ — “Хаёлим сенда”ни ижро этди.
Бу каби самимий онлар Шомуродовнинг янги жамоага мослашув жараёнида ижобий роль ўйнамоқда. У ўз ватани маданиятидан бир бўлакни улашган ҳолда жамоа ичида дўстона муҳит яратишга ҳисса қўшди.
Эслатиб ўтамиз, Элдор Шомуродов яқинда Италиянинг “Рома” клубидан кетиб, Туркиянинг “Истанбул Башакшехир” жамоасига ўтганди. У шартнома асосида ижарада ўйнамоқда, келишувда тўлиқ трансфер қилиш имконияти ҳам мавжуд.
Бакрадзе Иман
Редактор