Дрю Фернандес «Вест Хэм»га ўтиши мумкин
Ярим ҳимоячининг "Барселона" билан меҳнат шартномаси 2027 йилгача мўлжалланган.
ФОТО: Getty images
“Барселона” ярим ҳимоячиси Дро Фернандес фаолиятини Англия Премьер-лигасида давом эттириши мумкин. Бу ҳақда журналист Алан Никсон маълум қилди.
Манбага кўра, Фернандеснинг хизматларига "Вест Хэм" қизиқиш билдирмоқда. Лондон клуби иқтидорли ўйинчини ўз сафига қўшиб олишни жиддий мақсад қилган.
Каталонияликлар таркибида Дро Фернандес иккита ўйинда майдонга тушиб, битта голли узатмани амалга оширди.
Ярим ҳимоячининг "Барселона" билан меҳнат шартномаси 2027 йилгача мўлжалланган. Transfermarkt портали мутахассислари футболчининг нархини 5 миллион еврога баҳоламоқда.
Розикжон Султонмуродов
Журналист
