Дилшоджон Комилов – “Навбахор” футболчиси!
Маҳоратли ҳимоячи Дилшоджон Комилов жамоамиз билан шартнома имзолади.
"Дилшоджон Комилов - 1999 йил, 16 майда Тошкент шаҳрида туғилган.
Фаолияти давомида “Локомотив” (Тошкент, 2019 – 2022 йиллар, 2024 йилнинг 1-давраси), “Андижон” (Андижон, 2023 йил), “Насаф” (Қарши, 2024 йилнинг 2-давраси), “Қизилқум” (Навоий, 2025 йил) жамоалари, шунингдек, Ўзбекистон-U-23, Ўзбекистон миллий терма жамоаларида ўйнаган.
“Насаф” таркибида 2024 йили Ўзбекистон чемпиони бўлган, якунланган мавсумда эса “Қизилқум” сафида 20 та учрашувда майдонга тушиб, 1758 дақиқа ўйнаб, 1 та гол урган.
Дилшоджон Комиловнинг янги мавсумда “Навбахор” таркибида ёрқин ўйинлар намойиш этиб, “лочинлар”нинг зафарларига ўзининг муносиб ҳиссасини қўшишига тилакдошмиз",- деб ёзилади клубнинг расмий саҳифасида.
