Дембеле Мбаппе ҳақида: «У «Олтин тўп»га лойиқ»
«ПСЖ» ҳужумчиси «Реал» юлдузи ҳақида фикр билдирди.
ФОТО: Getty Images
Франциянинг «ПСЖ» клуби ҳужумчиси Усмон Дембеле «Реал» юлдузи Килиан Мбаппе ҳақида ўз фикрини билдирди.
«Унинг фаолиятини инобатга олсак, у «Олтин тўп»га муносиб. Мбаппе мавсумни жуда яхши бошлади, гол уришда ҳам давом этмоқда.
У менинг дўстим. Умид қиламанки, Мбаппе шу руҳда давом этади ва бир кун бу шарафли мукофотни қўлга киритади», — деди Дембеле.
Маълумот учун, Мбаппе жорий мавсум барча турнирларда 12 та учрашувда майдонга тушиб, 15 та гол урди ва 2 та голли узатмани амалга оширди. Франция миллий жамоаси сафида эса 3 та ўйин ўтказиб, 3 та голга муаллифлик қилди.
