Де Лаурентис Италия футболидаги зарур ислоҳотлар ҳақида гапирди
У А Сериядаги жамоалар сонини камайтиришни таклиф қилди.
ФОТО: Getty images
«Наполи» президенти Аурелио Де Лаурентис Италия футболида ислоҳотлар ўтказиш зарурлиги ҳақида гапирди.
«Бу ерда битта ислоҳот билан иш битмайди. Кучни жамлаб, келажакда таяниш мумкин бўлган бутун тизимни қайтадан қуриш керак. Италия футболининг томошабоплигини ошириш учун янги стадионлар зарур. Ҳозирги ареналар эскирган. Барча бюрократик жараёнларни қисқартириш ва янги объектлар яратилишига тўсқинлик қилишни бас қилиш лозим.
Бизнинг давримизда жуда кўп ўйинлар ўтказилмоқда. Агар А Серияни 16 та жамоагача қисқартирилса, ўйинлар сони 380 тадан 240 тагача камаяди. Бу терма жамоани сифатлироқ тайёрлашга имкон беради», — дея Де Лаурентиснинг сўзларидан иқтибос келтиради La Gazzetta dello Sport.
Розикжон Султонмуродов
Журналист
