Де Йонг: «Янада яхшироқ ҳаракат қилишимиз керак эди»
"Барселона" футболчиси "Брюгге"га қарши баҳсдан сўнг ўз фикрларини билдирди.
ФОТО: Getty images
"Барселона" ярим ҳимоячиси Френки де Йонг УЕФА Чемпионлар лигаси 4-тури доирасида “Брюгге”га (3:3) қарши ўйиндан сўнг ўз фикрлари билан ўртоқлашди.
"Биз янада яхшироқ ҳаракат қилишимиз керак эди. Бу ўйинда биз уч очкони қўлга киритишни мақсад қилгандик. Кўп омиллар устида ишлашимиз керак: вазиятни тушуниб турибмиз ва машғулотларда кўпроқ тер тўкамиз. Рақиб ҳимояда юзага келган хатоларимиздан фойдаланиб кетди", - дея де Йонг сўзларини келтиради УЕФА расмий сайти.
Бу натижадан кейин “Барселона” етти очко билан гуруҳда 11-ўринга тушиб кетди. Турнир жадвалида 12 очко билан “Бавария” пешқадамлик қилмоқда.
Розикжон Султонмуродов
Журналист
