De Yong: «Yana-da yaxshiroq harakat qilishimiz kerak edi»
"Barselona" futbolchisi "Bryugge"ga qarshi bahsdan so'ng o'z fikrlarini bildirdi.
ФОТО: Getty images
"Barselona" yarim himoyachisi Frenki de Yong UEFA Chempionlar ligasi 4-turi doirasida “Bryugge”ga (3:3) qarshi o'yindan so'ng o'z fikrlari bilan o'rtoqlashdi.
"Biz yana-da yaxshiroq harakat qilishimiz kerak edi. Bu o'yinda biz uch ochkoni qo'lga kiritishni maqsad qilgandik. Ko'p omillar ustida ishlashimiz kerak: vaziyatni tushunib turibmiz va mashg'ulotlarda ko'proq ter to'kamiz. Raqib himoyada yuzaga kelgan xatolarimizdan foydalandi", - deya De Yong so'zlarini keltiradi UEFA rasmiy sayti.
Bu natijadan keyin “Barselona” yetti ochko bilan guruhda 11-o'ringa tushib ketdi. Turnir jadvalida 12 ochko bilan “Bavariya” peshqadamlik qilmoqda.
Roziqjon Sultonmurodov
Jurnalist
