Де Брюйне \"Наполи\"га ўтмоқда
У тез орада Неаполга етиб келади
Фото: Getty Images
“Манчестер Сити”нинг собиқ футболчиси Кевин Де Брюйне фаолиятини “Наполи”да давом эттиради.
Футболчининг вакиллари аллақачон Неаполга етиб келган ва шартноманинг бандлари билан танишиб чиқмоқда. Бельгиялик ярим ҳимоячи ҳам тез орада Италияга етиб келади ва расман шартнома имзолайди.
Хабарларга қараганда, Де Брюйне “Наполи” билан 3 йиллик битим имзолайди. Клуб сафида йилига 9 млн евро атрофида маош олади.
Якунланган мавсумда Де Брюйне “Манчестер Сити” сафида барча мусобақаларда 38 та ўйинда қатнашиб, 6 та гол урди ва 8 та ассистни ҳам ўз ҳисобига ёздириб қўйди. Тransfermarkt порталида келтирилган маълумотларга кўра, 33 ёшли белгияликнинг қиймати 27 миллион еврони ташкил этади.
