Де Брюйне \"Ман. Сити\"ни тарк этганидан сўнг фаолиятини қаерда давом эттириши маълум бўлди
ФОТО: The Canadian Press
“Манчестер Сити” ярим ҳимоячиси Кевин Де Брюйне мавсум охирида “шаҳарликлар” сафини тарк этишини эълон қилди. Ҳозирда бельгиялик футболчига Саудиянинг бир қанча клублари қизиқиш билдирмоқда.
Give me Sport нашрининг хабарича, Де Брюйнени иккинчи дивизионда ҳаракат қилувчи “Ал-Қодисия” ва “Неом” клублари ўз сафига қўшиб олмоқчи. Шунингдек, унга Европадан ҳам таклифлар бор.
Бундан ташқари, Кевинга Американинг бир қатор клублари ҳам қизиқиш билдирмоқда. Футболчининг ўзи Саудия чемпионатига ўтишдан кўра, MLS вариантини афзал кўрмоқда.
Маълумот учун, Де Брюйне жорий мавсум 30 та ўйинда майдонга тушиб, 4 та гол урди ва 7 та голли узатмани амалга оширди. Унинг Transfermarkt'даги нархи 27 миллион евро га баҳоланмоқда.
Насрулло Каримов
Журналист
