Де Брюйнэ фаолиятини Туркияда давом эттириши мумкин
ФОТО: Getty Images
Туркиянинг “Фенербахче” клуби бельгиялик ярим ҳимоячи Кевин Де Брюйнега қизиқиш билдирмоқда. Бу ҳақда журналист Жанлука Ди Марцио хабар берди.
Манбага кўра, “Фенербахче” Де Брюйнега “Наполи”дан кўра яхшироқ таклиф йўллаган. Энди футболчи фаолиятини Жозе Моуриньо жамоасида давом эттиришни ўйлаб кўрмоқда.
Қайд этилишича, ярим ҳимоячининг келажаги яқин соатлар ичида ҳал бўлади.
Маълумот учун, Де Брюйненинг “Манчестер Сити” билан шартномаси 30-июнда якунланади. У ўтган мавсум клуб сафида 40 та ўйинда майдонга тушиб, 6 та гол урди ва 8 та голли узатмани амалга оширди.
Насрулло Каримов
Журналист