Де Брюйн фаолиятини қаерда давом эттириши маълум бўлди
ФОТО: Getty Images
Американинг “Чикаго Файр” клуби “Манчестер Сити”нинг 33 ёшли ҳужумкор ярим ҳимоячиси Кевин Де Брюйн учун курашда фаворитлик қилмоқда. Бу ҳақда The Athletic нашри хабар берди.
Манбага кўра, MLS клуби бельгиялик футболчи билан музокаралар ўтказиш учун устувор ҳуқуқларга эга. Таъкидланишича, Де Брюйн Саудия чемпионатидан кўра MLS'га ўтишни афзал кўрмоқда.
Эслатиб ўтамиз, жорий йилнинг апрел ойида 33 ёшли футболчи мавсум якунлангач “Манчестер Сити”ни тарк этишини эълон қилганди. Ҳозирда унга “Чикаго Файр”дан ташқари “Нью-Йорк Сити” ва “D.C.Юнайтед” ҳам қизиқиш билдирмоқда.
Насрулло Каримов
Журналист
