Дарвин Нуньес «Барселона»нинг трансфер мақсадига айланиши мумкин — MD
«Барселона» ва «Ал-Ҳилол» ўртасида ҳимоячи Жоау Канселуни сотиб олиш бўйича музокаралар чоғида ҳужумчи Дарвин Нуньеснинг номи тилга олинган. Айни пайтда кўк-анорранглилар «Ливерпуль»нинг собиқ ҳужумчиси бўйича таклиф билан чиққанми ёки унинг номзодини Саудия клуби таклиф қилганми, номаълум. Бу ҳақда Mundo Deportivo хабар бермоқда.
Манбага кўра, «Барселона»нинг асосий мақсади Мадриднинг «Атлетико» клуби ҳужумчиси Хулиан Альварес бўлиб қолмоқда, бироқ клуб захира ҳужумчисини сотиб олиш вариантини кўриб чиқиши мумкин.
Эслатиб ўтамиз, Нуньес қишда Карим Бенземанинг «Ал-Ҳилол»га ўтишидан сўнг Саудия Про-лигасида ўйнаш ҳуқуқидан маҳрум бўлганди. Уругвайлик футболчи жамоа сафида жами 24 та ўйин ўтказиб, 9 та гол урган ва 5 та голли узатмани амалга оширган.
