«Челси» кетма-кет саккизта ўйиндан бери «Арсенал»ни мағлуб эта олмаяпти
АПЛнинг 13-турида томонлар 1:1 ҳисобидаги дурангга имзо чекишди.
ФОТО: Getty Images
Англия Премер-лигаси
30.11.2025, Як.
Челси
1
Арсенал
1
Лондон дербисида «Челси» ва «Арсенал» 13-тур доирасидаги учрашувда дурангга рози бўлишди — 1:1. Шу тариқа, «аристократлар» рақибини кетма-кет саккизинчи ўйинда ҳам мағлуб эта олмади.
«Кўклар» охирги бор «канонирлар»ни АПЛнинг 2021/2022-йилги мавсумининг 2-турида, Томас Тухел бошчилигида 2:0 ҳисобида енгган эди.
Ўшандан бери беш бор «Арсенал» ғалаба қозонган, уч марта эса дуранг қайд этилган — барча баҳслар Англия чемпионати доирасида бўлиб ўтган.
Энцо Мареска бошқарувидаги «Челси» ҳозирда 24 очко билан турнир жадвалида 3-ўринда бормоқда. Микель Артета шогирдлари эса 30 очко жамғариб, АПЛ пешқадамлиги сақлаб турибди.
Насрулло Каримов
Журналист
