Ботир Зарипов «Бухоро» футбол клуби футболчилари билан учрашди
Бухоро вилояти ҳокими Ботир Зарипов ”Бухоро” футбол клуби футболчилари билан учрашди.
Учрашувда жамоамизнинг Супер лигадаги муваффақиятли иштироки, футболни ривожлантириш ва Бухоро футболининг нуфузини янада ошириш масалалари ҳақида сўз юритилди.
Вилоят раҳбари жамоамизга келгуси баҳсларда омад тилаб, “Бухоро” футболини наfaқат республикамиз, балки халқаро миқёсда ҳам муносиб намоён бўлиши зарурлигини таъкидлади.
Футболчилар эса вилоятимизда футбол спорт турига ва бош жамоамизга қаратилaётган эътибор учун миннатдорлик билдиришди.
Айни пайтда “Бухоро” футбол клуби Суперлига турнир жадвалида 3-ўринни эгаллаб турибди.
Шунингдек, жамоамиз яқинда ОФК лицензиясини қўлга киритиб, 2026/2027-йилги мавсумда Осиё футбол конфедерацияси тасарруфидаги халқаро мусобақаларда иштирок этиш ҳуқуқини қўлга киритди.