“Боруссия Д” “Барселона”га: “Энди бу турнирда ғалаба қозонинг!”
ФОТО: Getty Images
Каталониянинг “Барселона” клуби Чемпионлар Лигаси чорак финалида Дортмунднинг “Боруссия”сини икки ўйин натижасига кўра 5:3 ҳисобида мағлуб этди ва ярим финалга йўлланма олди.
Ўйиндан сўнг икки клуби Х ижтимоий тармоғида бир-бирларига омад тилади.
“Сиз бизга қарши ўйинда жиддий қийинчилик туғдирдингиз, яхши рақобат бўлди. Мавсумнинг қолган қисмида омад тилаймиз, кейинги сафар кўришгунча”, - деб пост қолдирди каталонияликлар.
“Энди бу турнирда ғалаба қозонинг!”, - деб унга изоҳ қолдирди Дортмунд клуби.
Эслатиб ўтамиз, томонлар ўртасидаги дастлабки баҳс 4:0 ҳисобида “Барселона” фойдасига ҳал бўлган. Иккинчи ўйинда эса “Боруссия” 3:1 ҳисобида ғалаба қозонди (умумий 5:3).
Насрулло Каримов
Журналист
