Бернарду Силва фаолиятини Саудияда давом эттириши мумкин
“Манчестер Сити” ярим ҳимоячиси Бернарду Силва келаси йилда Европани тарк этиб, Саудия чемпионатига йўл олиши мумкин. Бу ҳақда TalkSPORT хабар берди.
Манбага кўра, 31 ёшли футболчи Саудия Арабистонига ўтиш вариантини жиддий кўриб чиқмоқда. Мамлакатнинг бир нечта клублари узоқ вақтдан бери Сильва билан шартнома имзолашга уриниб келмоқда.
“Ал-Ҳилол” 2023 йилда унга ҳафтасига 500 минг фунт стерлинг маош ҳамда шартнома имзолагани учун 2 миллион фунт стерлинг бонус таклиф қилган эди.
Ҳозирда ҳам унга бир нечта жамоалар томонидан таклифлар бор. Агар музокаралар ижобий якунланса, футболчи 2026 йилги жаҳон чемпионатидан кейин фаолиятини Яқин Шарқда давом эттириши мумкин.
Маълумот учун, Бернарду Сильва 2017-йилдан буён “Манчестер Сити” шарафини ҳимоя қилиб келмоқда. Жорий мавсумда у 7 та учрашувда майдонга тушиб, 1 та голли узатмага муаллифлик қилган. Transfermarkt портали футболчининг қийматини 38 миллион еврога баҳоламоқда.
