Бензема: «„Реал“нинг муаммоларидан бири — футболчиларга маслаҳат берадиган фахрийлар етишмаслигидир»
Франциялик ҳужумчи Мадрид клубининг ҳозирги инқирози ҳақида фикр билдирди.
ФОТО: Getty Images
Мадриднинг «Реал» клуби собиқ ҳужумчиси Карим Бензема жамоанинг ҳозирги таркибида тажрибали футболчилар етишмаётгани — айнан ёш ўйинчиларга муаммоларни кўрсатиб, йўл-йўриқ берадиган лидерлар йўқлигини таъкидлади.
«„Реал“нинг яна бир муаммоси шундаки, у ерда энди тажрибали футболчилар қолмади — Мбаппе, Беллингем, Винисиусга яқин келиб, уларга нима нотўғри кетаётганини айтиб бера оладиган ўйинчилар йўқ», — деди Бензема.
Эслатиб ўтамиз, Бензема 2009–2023 йиллар оралиғида «Реал» сафида тўп сурган. Бу давр мобайнида у барча мусобақаларда 648 та ўйинда иштирок этиб, 354 та гол урган ва 155 та голли узатмани амалга оширган.
Насрулло Каримов
Журналист
