«Бавария» Европа футболида бир асрлик рекорд ўрнатди
Мюнхенликлар жорий мавсум фақат ғалаба қозонмоқда.
ФОТО: Getty Images
Бундеслига Германия
25.10.2025, Як.
Боруссия М
0
Бавария
3
Мюнхеннинг «Бавария» клуби Бундеслиганинг 9-турида «Боруссия Мёнхенгладбах» устидан 3:0 ҳисобига ғалаба қозониб, жамоа тарихида янги саҳифа очди.
Бу «Бавария» учун мавсум бошидан буён барча турнирларда кетма-кет 13-ғалаба бўлди. Ушбу натижа Европанинг ТОП-5 лигалари клублари орасида янги рекорд сифатида қайд этилди. Бу ҳақда Bayern & Germany нашри хабар бермоқда.
Манбага кўра, бундан аввал шундай стартни 1992/1993 йилги мавсумда «Милан» кўрсатган эди, бироқ «Бавария» тўплар нисбати бўйича италияликларни ортда қолдирди — 47:9/45:13.
Маълумот учун, «Бавария» ўзининг навбатдаги ўйинини 29 октябрь куни «Кёльн»га қарши ўтказади. Мюнхенликлар Бундеслиганинг 8-туридан сўнг максимал 24 очко жамғарган ҳолда турнир жадвалида пешқадамлик қилмоқда.
Насрулло Каримов
Журналист