“Башакшеҳир” Шомуродовга неча йиллик шартнома таклиф қилаётгани маълум бўлди
ФОТО: Getty Images
“Рома” шарафини ҳимоя қилаётган ҳамюртимиз Элдор Шомуродов фаолиятини Истанбулнинг “Башакшеҳир” клубида давом эттиришга яқин турибди.
Журналист ва инсайдер Николо Скиранинг ёзишича, турк клуби 29 ёшли ҳамюртимизга 2028 йилга қадар мўлжалланган шартнома таклиф қилган.
RomaPress хабарига кўра, Элдор ушбу таклифни қабул қилган.
Маълумот учун, Шомуродов ўтган мавсум “Рома” сафида жами 37 та ўйинда майдонга тушиб, 7 та гол урди ва 5 та голли узатмани амалга оширди. Унинг Transfermarkt'даги нархи 5 миллион евроға баҳоланмоқда.
Насрулло Каримов
Журналист