“Bashakshehir” Shomurodovga necha yillik shartnoma taklif qilayotgani ma'lum bo'ldi

“Roma” sharafini himoya qilayotgan hamyurtimiz Eldor Shomurodov faoliyatini Istanbulning “Bashakshehir” klubida davom ettirishga yaqin turibdi.

Jurnalist va insayder Nikolo Skiraning yozishicha, turk klubi 29 yoshli hamyurtimizga 2028-yilga qadar mo'ljallangan shartnoma taklif qilgan.

RomaPress xabariga ko'ra, Eldor ushbu taklifni qabul qilgan.

Ma'lumot uchun, Shomurodov o'tgan mavsum “Roma” safida jami 37 ta o'yinda maydonga tushib, 7 ta gol urdi va 5 ta golli uzatmani amalga oshirdi. Uning Transfermarkt'dagi narxi 5 million yevroga baholanmoqda.

Nasrullo Karimov

Jurnalist

0 0 0 0 0 0