«Барселона»нинг Кристиансен бўйича позицияси маълум

“Барселона” раҳбарияти марказий ҳимоячи Андреас Кристенсенга оид қарорни қабул қилишда шошилмаяпти. Бу ҳақда Marca нашри хабар тарқатмоқда.

Манбага кўра, раҳбарият ва мураббийлар штаби 29 ёшли футболчининг ўйини ва профессионал муносабатидан мамнун.

Бироқ каталонияликлар аввало 2026/2027 йилги мавсум учун ҳимоя чизиғи таркибини аниқлаб олишни, шунингдек, трансфер бозориданги имкониятларни баҳолашни режалаштирмоқда.

Футболчининг ўзи эса Каталония клубида қолишни истамоқда. Дания терма жамоаси аъзоси “Барселона” таркибида ҳозиргача 88 та ўйинда майдонга тушиб, ўз ҳисобига 4 та гол ва 3 та голли узатма ёздириб қўйган.

Розикжон Султонмуродов

Журналист