«Барселона»нинг қишки трансфер мақсади маълум
Клуб спорт директори бу ҳақда маълумот берди.
ФОТО: Getty images
"Барселона" спорт директори Деко клуб қишки трансфер бозорида фаол иштирок этиш ниятида эмаслигини айтди.
"Ёзги ойнада биз хоҳлаган ва қўлимиздан келганини қилдик. Кўп ўйинчиларга яна майдонга тушиш учун вақт керак. Қишдаги шартномалар бизнинг режаларимизга кирмайди", - дея португалияликнинг сўзларини келтиради Cаdena Ser.
Эслатиб ўтамиз, “Барселона” айни дамда Испания чемпионатида 9 ўйиндан сўнг 22 очко билан иккинчи ўринда бормоқда. “Реал Мадрид” худди шундай ўйинлардан сўнг 24 очко билан турнир жадвалида пешқадамлик қилмоқда. Жамоалар кейинги босқичда ўзаро Эл Класикода тўқнаш келишади.
Розикжон Султонмуродов
Журналист
