“Барселона”га қарши ўйин олдидан “Боруссия Дортмунд” жиддий йўқотишга учради
ФОТО: Getty Images
Дортмунднинг “Боруссия” клуби ҳимоячиси Нико Шлоттербек чап тиззасидан оғир жароҳат олди ва мавсумнинг қолган қисмини ўтказиб юборади. Бу ҳақда клуб матбуот хизмати хабар берди.
“Никонинг йўқлиги биз учун катта йўқотиш. У жамоанинг муҳим аъзоси ва жорий мавсумдаги барқарор ўйини билан барчани лол қолдирди. Умид қиламизки, у тезда тузалиб кетади”, - дейди дортмундликлар спорт директори Себастьян Кел.
Маълумот учун, Шлоттербек жорий мавсум барча турнирларда 37 та ўйинда майдонга тушиб, 6 та голли узатмани амалга оширди. Клуб ўзининг навбатдаги ўйинини 9-апрел куни Чемпионлар Лигаси доирасида “Барселона”га қарши ўтказади.
Насрулло Каримов
Журналист
