“Barselona”ga qarshi o'yin oldidan “Borussiya Dortmund” jiddiy yo'qotishga uchradi
FOTO: Getty Images
Dortmundning “Borussiya” klubi himoyachisi Niko Shlotterbek chap tizzasidan og'ir jarohat oldi va mavsumning qolgan qismini o'tkazib yuboradi. Bu haqda klub matbuot xizmati xabar berdi.
“Nikoning yo'qligi biz uchun katta yo'qotish. U jamoaning muhim a'zosi va joriy mavsumdagi barqaror o'yini bilan barchani lol qoldirdi. Umid qilamizki, u tezda tuzalib ketadi”, - deydi dortmundliklar sport direktori Sebastyan Kehl.
Ma'lumot uchun, Shlotterbek joriy mavsum barcha turnirlarda 37 ta o'yinda maydonga tushib, 6 ta golli uzatmani amalga oshirdi. Klub o'zining navbatdagi o'yinini 9-aprel kuni Chempionlar Ligasi doirasida “Barselona”ga qarshi o'tkazadi.
Nasrullo Karimov
Jurnalist
