«Барселона» ёзда икки позицияни кучайтирмоқчи
Каталониянинг «Барселона» клуби ёзги трансфер ойнаси учун ўз режасини тасдиқлади. Спорт директори Деку таркибдаги бўшлиқларни ёпиш учун асосий эътиборни ҳужум чизиғи ва майдон марказини кучайтиришга қаратади. Жамоанинг мақсади — келаси мавсумда барча турнирларда бош совринлар учун курашиш.
Ҳужумда Роберт Левандовскига муносиб ўринбосар сифатида «Атлетико Мадрид» юлдузи Хулиан Алварес асосий нишон бўлиб турибди. Агар 100 миллион евролик ушбу трансфер молиявий сабабларга кўра амалга ошмаса, муқобил вариант сифатида «Брайтон» форварди Жоао Педро кўриб чиқилади.
Яримҳимояни кучайтириш учун эса «Манчестер Сити» плеймейкери Бернардо Силва ҳамда эркин агентга айланадиган Леон Горецка номзодлари танланган.
Қайд этилишича, молиявий фейр-плей қоидаларига амал қилиш учун клуб ёзда Андреас Кристенсен каби бир қатор футболчиларини сотиб юборишга мажбур бўлади.
