“Барселона” вице-президенти Мбаппенинг битта ўйинга дисквалификация қилингани ҳақида: “Бу шунчаки шармандалик”
ФОТО: Getty Images
Каталониянинг “Барселона” клуби вице-президенти Рафа Юсте Килиан Мбаппега нисбатан чиқарилган қарор ҳақида гапирди.
Эслатиб ўтамиз, Мбаппе Испания Ла Лигасининг 31-туридан ўрин олган “Алавес”га қарши баҳсда Антонио Бланкого ишлатган қўполлиги учун тўғридан-тўғри қизил карточка олганди.
Шундан сўнг, франциялик футболчи битта ўйинга дисквалификация қилинди ва Ла Лиганинг 32-туридан ўрин олган “Атлетик”га қарши ўйинни ўтказиб юборади.
“Бундай жаза шунчаки бемаънилик. Бу даҳшатли қоидабузарлик эди ва рақибни жароҳатлаши мумкин эди. Бу шунчаки шармандалик”, - дейди Юсте.
Маълумот ўрнида, аввалроқ испан матбуоти Мбаппе 2 ёки 3 ўйинга дисквалификация қилиниши мумкинлиги ҳақида хабар қилганди.
Насрулло Каримов
Журналист
