«Барселона» раҳбарияти бонус тўлашдан қочиш мақсадида Левандовскидан камроқ гол уришни сўраган

«Барселона» раҳбарияти 2022/2023 йилги мавсумда ҳужумчи Роберт Левандовскидан камроқ гол уришни сўраган.

Бундан кўзланган асосий мақсад эса поляк футболчисининг «Бавария»дан трансфери учун бонус тўлашдан қочиш эди. Бу ҳақда Sport.es нашри хабар бермоқда.

Манбага кўра, клуб функциянерлари, жумладан, президент Жоан Лапорта, уни кўп гол урмасликка чақирган, чунки акс ҳолда каталонияликлар «Бавария»га 2,5 миллион евро тўлашга мажбур бўларди.

Маълумот учун, Левандовски мавсум якунида миллий чемпионатда 23 та гол урган.

Насрулло Каримов

Журналист