“Барселона” президенти Фликни жамоага ким таклиф қилганини ошкор қилди
Расм: gettyimages.com Ханс Дитлер Флик
“Барселона” футбол клуби президенти Жоан Лапорта жамоа бош мураббийлигига Ханс-Дитер Фликни тайинлаш қарорини ким қабул қилганини маълум қилди. Фликни тайинлаш ташаббуси Декуга тегишли.
“Бу унинг қарори эди”, — дея Лапортанинг сўзларини келтиради BarcaTimes.
Эслатиб ўтамиз, Деку ҳозирда “Барселона”нинг спорт директори лавозимида ишлайди. Флик жамоани ўтган ёзда қабул қилиб олган. 33 турдан сўнг “Барселона” Ла Лига жадвалида 76 очко билан пешқадамлик қилмоқда. Иккинчи ўриндаги Мадриднинг “Реал” клуби 4 очкога орқада.
30 апрелдан 1 майга ўтар кечаси “Барселона” Чемпионлар Лигаси ярим финалининг илк учрашувида “Интер”ни қабул қилади. Ўйин соат 00:00да (Тошкент вақти билан) бошланади.
Бакрадзе Иман
Редактор
