«Барселона» Омар Мармуш учун курашда етакчилик қилмоқда
«Барселона» «Манчестер Сити» ҳужумчиси Омар Мармушни трансфер қилиш учун курашда етакчилик қилмоқда. Мисрлик футболчи «шаҳарликлар» лагерини тарк этишга интилаётгани йўқ, бироқ кўпроқ майдонга тушишни истайди. Бу ҳақда Caught Offside хабар бермоқда.
Манба берган маълумотларга кўра, агар 60–65 миллион евро миқдорида таклиф тушса, «Манчестер Сити» 27 ёшли форвардни сотишга тайёр. «Кўк-анорранглилар» Мармушни ёзда жамоани тарк этадиган Роберт Левандовскига потенциал ўринбосар сифатида кўрмоқда.
Аввалроқ мисрлик футболчига «Тоттенхэм» ва «Астон Вилла» клублари томонидан ҳам қизиқиш борлиги ҳақида хабар берилган эди.
Жорий мавсумда Мармуш барча турнирларда 34 та учрашувда майдонга тушиб, 8 та гол ва 3 та голли узатмага муаллифлик қилди. Ўйинчининг клуб билан амалдаги меҳнат шартномаси 2029 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор қиймати 60 миллион еврога тенг.
