«Барселона» Лаутаро Мартинес билан музокарага киришди
«Барселона» спорт директори Деку ўтган ҳафта «Интер» ҳужумчиси Лаутаро Мартинеснинг вакили билан учрашди. Бу ҳақда журналист Жерар Ромеро хабар берди.
Томонлар аргентиналик форварднинг каталонияликлар сафига ўтиш эҳтимолини муҳокама қилган.
Мартинес Хулиан Альварес трансфери амалга ошмай қолган тақдирда «Барселона»нинг асосий муқобил вариантларидан бири сифатида кўрилмоқда. Каталонияликлар ҳали ҳам «Атлетико» ҳужумчисини ўз сафига қўшиб олишга қизиқмоқда, бироқ Мадрид клуби билан музокаралар мураккаб кечмоқда.
Лаутаро ўтган мавсумда «Интер» сафида барча турнирларда 41 та ўйин ўтказиб, 22 та гол ва 6 та голли узатма қайд этган.
28 ёшли аргентиналик футболчининг «Интер» билан амалдаги шартномаси 2029 йил ёзига қадар мўлжалланган. Унинг трансфер қиймати Transfermarkt томонидан 85 миллион еврога баҳоланмоқда.
