«Барселона» Кристенсен билан шартномани узайтирмоқчи
Фото: Getty Images
“Барселона” ҳимоячи Андреас Кристенсен билан шартномани узайтирмоқчи. Бу ҳақда Marca хабар берди.
"Кўк-анорранглилар" 29 ёшли футболчидан ёзда қутулишни режалаштирган эди, аммо энди позициясини ўзгартирди.
Каталонияликлар данияликка 2027 йилнинг ўрталарига қадар мўлжалланган янги меҳнат шартномасини таклиф қилмоқчи. Унинг амалдаги шартномаси 2025/2026 йилги мавсум якунида ўз ниҳоясига этади.
Андреас ўтган мавсум "Барселона"нинг бор-йўғи 6 та ўйинида иштирок этди. Ҳимоячи жамоа билан бирга Испания чемпиони ва Қирол кубоги соҳибига айланди.
Баҳром Бобонов
Редактор
