«Барселона» Кейнга қизиқиш билдирмоқда
Мюнхеннинг “Бавария” клуби ҳужумчиси Ҳарри Кейн фаолиятини Испания Ла Лигасида давом эттириши мумкин. Бу ҳақда Sport.es нашри хабар берди.
Манбага кўра, футболчига “Барселона” жамоаси жиддий қизиқиш билдирмоқда.
Қайд этилишича, англиялик 32 ёшли форварднинг вакиллари унинг келажаги бўйича турли вариантларни кўриб чиқмоқда. 2026 йил ёзида унинг “Бавария” билан тузган шартномасида кўрсатилган 65 миллион евролик товон пули бўйича банд кучга киради. Яъни, футболчини сотиб олмоқчи бўлган исталган клуб 65 миллион евро эвазига Кейнни харид қилиши мумкин. “Барселона”нинг расмий таклифи эса клубнинг молиявий имкониятларига боғлиқ бўлади.
Унинг “Бавария” билан амалдаги шартномаси 2027 йил 30 июнгача мўлжалланган. У жорий мавсум Бундеслигада 9 ўйинда майдонга тушиб, 12 та гол ва 3 та голли узатма муаллифига айланган.
