«Барселона» ҳимоячисининг бурни синди

Каталониянинг «Барселона» клуби матбуот хизмати маълум қилишича, жамоа ҳимоячиси Эрик Гарсияда бурн сингани аниқланди.

Манбага кўра, испаниялик футболчи бу жароҳатни Чемпионлар лигаси гуруҳ босқичининг 4-туридан ўрин олган «Брюгге»га қарши баҳсда (3:3) орттириб олган ва ўйиндан сўнг шифохонага ётқизилган.

Қайд этилишича, Гарсия энди бир муддат ҳимоявий ниқоб билан майдонга тушади. Унинг «Сельта»га қарши навбатдаги ўйинда майдонга тушиши ҳозирча номаълум.

Маълумот учун, Гарсия жорий мавсум барча турнирларда 15 та ўйинда майдонга тушиб, 1 та гол муаллифи бўлди. Унинг Transfermarkt'даги нархи 25 миллион евро деб баҳоланмоқда.

Насрулло Каримов

Журналист