«Барселона» ҳимоячиси Кунде жароҳат сабаб «Интер»га қарши жавоб учрашувини ўтказиб юборди
Расм: gettyimages.com Жюл Кунде
Каталониянинг «Барселона» жамоаси франциялик ҳимоячи Жюл Кунде жароҳати туфайли 6 май куни Миланда бўлиб ўтадиган ЕЧЛ ярим финал жавоб баҳсида «Интер»га қарши майдонга тушолмайди. Бу ҳақда Sport.es нашри журналисти Тони Хуан Марти хабар берди.
Кунде 3:3 ҳисобида якунланган илк ўйинда 40-дақиқада орқа сон мушакларидан жароҳат олган ва алмаштирилган эди. Жавоб ўйини кескин тарзда ўтиши кутилмоқда, чунки ғалаба — ЕЧЛ финали йўлланмаси учун курашда ҳал қилувчи аҳамиятга эга. Уchrашув «Сан-Сиро» стадионида 6 май куни Тошкент вақти билан соат 00:00 да (6 майдан 7 майга ўтар кечаси) бошланади.
Эслатиб ўтамиз, ЕЧЛнинг амалдаги чемпиони — ўтган мавсум финалида Дортмунднинг «Боруссия» жамоасини 2:0 ҳисобида мағлуб этган Мадриднинг «Реал» клубидир.
Бакрадзе Иман
Редактор
