Barselona himoyachisi Kunde jarohat sabab Interga qarshi javob uchrashuvini o‘tkazib yubordi
Kataloniyaning "Barselona" jamoasi fransiyalik himoyachi Jyul Kunde jarohati tufayli 6 may kuni Milanda bo‘lib o‘tadigan YeCHL yarim final javob bahsida "Inter"ga qarshi maydonga tusha olmaydi. Bu haqda Sport.es nashri jurnalisti Toni Xuan Marti xabar berdi.
Kunde 3:3 hisobida yakunlangan ilk o‘yinda 40-daqiqada orqa son mushaklaridan jarohat olgan va almashtirilgan edi. Javob o‘yini keskin tarzda o‘tishi kutilmoqda, chunki g‘alaba — YeCHL finali yo‘llanmasi uchun kurashda hal qiluvchi ahamiyatga ega. Uchrashuv "San-Siro" stadionida 6 may kuni Toshkent vaqti bilan soat 00:00 da (6 maydan 7 mayga o‘tar kechasi) boshlanadi.
Eslatib o‘tamiz, YeCHLning amaldagi chempioni — o‘tgan mavsum finalida Dortmundning "Borussiya" jamoasini 2:0 hisobida mag‘lub etgan Madridning "Real" klubidir.
