«Барселона» Гвардиолго қизиқиш билдирмоқда – манба
«Барселона» «Манчестер Сити» ҳимоячиси Йошко Гвардиол билан шартнома имзоламоқчи. COPE нашрининг хабар беришича, Каталония клуби хорватиялик марказий ҳимоячига аниқ қизиқиш билдирган.
«Манчестер Сити» 2028 йилгача мўлжалланган шартномаси якунланишидан олдин футболчидан пул ишлаб олиш учун ҳимоячининг кетишини кўриб чиқиши мумкин.
Аввалроқ футболчига «Бавария» ва «Реал» томонидан қизиқиш бўлаётгани ҳақида хабар берилганди – «қаймоқранглилар» Йошкога 2023 йилда ҳам қизиқиш билдиришган, бироқ ўшанда «Сити» «RB Лейпциг»га 90 миллион евро таклиф қилиб, футболчи учун курашда ғалаба қозонганди, энди эса немис клуби унинг Бундеслига қайтишини хоҳламоқда.
Ўтган мавсумда ҳимоячи инглиз клуби сафида 24 та ўйинда майдонга тушиб, икки та гол урди ва бешта голли узатмани амалга оширди.
