«Барселона» Гравенберхни сотиб олмоқчи

Каталония клуби 23 ёшли нидерландиялик яримҳимоячи Райан Гравенберх билан шартнома имзолаш имконини кўриб чиқмоқда, деб хабар берди Fichajes нашри.

Манбага кўра, каталонияликлар футболчини анчадан бери кузатиб келади ва уни ўз сафида кўришни истайди.

Эслатиб ўтамиз, Гравенберх 2023 йилдан буён “Ливерпуль” шарафини ҳимоя қилиб келмоқда. Ўтган мавсумда у жамоанинг энг яхши футболчиларидан бирига айланганди ва “Ливерпул”нинг АПЛни ютишда катта ҳисса қўшганди.

Маълумот учун, футболчи жорий мавсумда “Ливерпуль” сафида барча мусобақаларда 11 та ўйин ўтказиб, 3 та гол урди ва 2 та голли узатма амалга оширди. Унинг мерсисайдликлар билан тузган шартномаси 2028 йил ёзига қадар амал қилади.

Розикжон Султонмуродов

Журналист